Afrikaan rakkoo jijiirama qilleensaaf saaxilamuu qofa osoo hin taane qaama furmaata jijjiirama qilleensaa taatee akka itti fuftu pireezidaanti FDRI Taayyee Atsiqasillaasee hubachiisan.
Yaa’ii jijjiirama qilleensaa Biraazilitti gaggeeffamu (Coop 30) irratti ajandaan Afrikaa irratti dhiyaata jedhamee kan eegamu “Waliigalteen Finfinnee” haala gaariin raggaasifameera.
”Waliigalteen Finfinnee” raggaa’e kun osoo irraa hi hir’atin hojii irra oolchuun Afrikaa irraa akka eegamu Pireezidaanti Taayyeen yaadachiisaniiru.
Pireezidaantichi Itoophiyaan jijjiirama qilleensaa Ittisuu keessatti gumaacha ba’ataa jirtu cimsee akka itti fuftu ibsaniiru.
Dura taa’aa Gamtaa Afrikaa bakka bu’uun ergaa kan dabarsan Komishinarri Dhimmoota Siyaasaa, Nageenyaa fi Tasgabbii Baankoolii Adiwooyaa dhiibbaa jijjiirama qilleensaa qolachuuf tumsi Afrikaa cimee akka itti fufu dhaamaniiru.
Yaa’ii Jijjiirama qilleensaa 2ffaa Itoophiyaafi Gamtaan Afrikaa qopheessan kanarratti namootni kuma 25 ol irratti hirmaatanii, mariiwwan 199 caalan kan adeemsifaman yoo ta’u, kaleessa xumurameera.
Daraartuu Tarreessaatiin
